તારા લીધે

તારી યાદો ને દફનાવી છે, દિલમાં કાંઈક એવી રીતે,

જાણે બનાવ્યો છે મેં, પ્રેમનો મકબરો તારા લીધે !

સ્મરણ તમારું થાય છે, કાંઈક એવી રીતે, 

જાણે મહોબ્બતની ખુશ્બૂ, ફેલાય છે તારા લીધે !

રૌશન રાખું છું આ મહેફિલને, કાંઈક એવી રીતે,

જાણે દીપ સાથે રુહ પણ, મારી બળે છે તારા લીધે !

બની ગયો છું, દીવાનો ફકીર મસ્તાન એવી રીતે, 

જાણે ઇશ્કની આ વિરાન ગલીમા, ભટકું છું તારા લીધે !

અકબંધ જ રહેશે, મહોબ્બત પર મારો "ભરોસો" એવી રીતે,

જાણે ઇબાદત કરું છું, હવે ખુદા ની તારા લીધે !

હાથ ફેલાવીને માંગુ છું, દુઆ એવી રીતે,

જાણે છેલ્લા શ્વાસ 'અમન' લઈ રહ્યો છે તારા લીધે !