તાજી ગઝલ

ક્યારનો વિચારતો'તો કે લખું તાજી ગઝલ

જ્યાં તને જોઈ તો લાગ્યું, હાશ ! આ આવી ગઝલ

બોલવાની પણ છટા તારી ગજબ છે, આય હાય !

દાદ આપી તોય લાગ્યું તે કહી સામી ગઝલ,

તું મળે છે હર વખત જાણે કે તાજો શેર થઈ

પ્રશ્ન એવો પણ થતો, કે કેટલી લાંબી ગઝલ ?

નામ તારું હોઠ મારા જયારે જયારે ગણગણે

જીદ કરી હૈયું કહે સંભળાવો ને પાછી ગઝલ,

પહોંચવા તારા સુધી રસ્તો બીજો શોધ્યો જ નહિ

ત્રણસો ને પાંસઠ દિવસ મેં માત્ર પ્રગટાવી ગઝલ !