સ્વપ્ન મોંઘેરા

હું એક નાવનો મુસાફર,

કાળાં માથાનો નાનો માનવી,

જોઈએ છે આ જગમાં ઘણું,

સમય ઓછોને જીતવું ઝાઝું,

થશે સાકાર સ્વપ્ન મોંઘેરા !

મતિનો હું થયો માહિર,

સપનાંને ઉંચેરા નભે સજાવી,

જોઈએ છે જિંદગીમાં ઘણું,

ઈશ્વરનું મારી સમીપ રહેવું,

થશે સાકાર સ્વપ્ન મોંઘેરા !

ઈશ્વર તારી લીલાં ન્યારી,

અટકેલાનેં તું સફળ બનાવી,

જોઈએ છે તારાં પ્રેમનું બીડું,

ખુદા તો પવિત્ર પ્રેમનું ઝરણું,

એક મુઠીભર સ્વપ્ન મોંઘેરા !