પ્યારો અવકાશ

સાથે રહેવાની એક આદત પડી ગઈ,

બસ અપેક્ષાઓની મોઝાર મળી ગઈ,

      મળી ગયો પ્રેમને પ્યારો અવકાશ !!

આજે જ્યારે સમયની સરવાણી થઈ,

તારી લાગણીઓની એ કદર સમજાઈ,

     મળી ગયો પ્રેમને પ્યારો અવકાશ !!

તારી હુંફાળા શ્વાસની ગતિ ઓળખાઈ,

લગોલગ અડીને એ મમત ગણાઈ ગઈ,

     મળી ગયો પ્રેમને પ્યારો અવકાશ !!

ભર ચોમાસે આંખો કોરીધાકોર દેખાઈ,

પ્રેમતરસી એ ચાતકની કળા જ વર્તાઈ,

    મળી ગયો પ્રેમને પ્યારો અવકાશ !!

આકાંક્ષાને આંબવા જાત જાત હોમાઈ,

સંતોષ હોય દિલથી તો આરજુ છલકાઈ,

    મળી ગયો પ્રેમને પ્યારો અવકાશ !!