ચાહનાની ચાહત

એક હતી દિલની આશા પ્યારી,

નયનોની પરિભાષા હોય ન્યારી,

જીહ્વા બને છે જ્યારે બેજુબાન,

આંખો કહે સઘળું આપોઆપ,

રોમેરોમમાં લાગણીઓ છવાય !

કુણી કુંપળની તાજી ખુશ્બુની,

ઉભરાઈ મસ્ત જુવાની ઉંબરે,

ચાહનાની ચાહત જડાઈ દિલે,

જીવાઈ જશે હવે આપોઆપ,

રોમેરોમમાં લાગણીઓ છવાય !

અથડાઈ ભીની સુગંધની મીઠી,

શ્વાસોનાં કહેણને પ્યારી સુવાસે,

મારાં વિચારોને વાચા મળે હવે,

લહેરાઈ જશે પ્યાર આપોઆપ,

રોમેરોમમાં લાગણીઓ છવાય !