સ્વીકારતું નથી

કહે છે લોકો, કોઈના વગર કઈ અટકતું નથી,

પણ મારું આ મુખડું તારા વગર મલકતું નથી.

જોને બાગનું ફૂલ તારા વગર ખીલતું નથી,

મારું હૈયું પણ તારા વિના ધબકતું નથી.

પળ પળ પ્રતિ પળ તારું જ નામ સ્મરે,

આ મારું પાગલ દિલ પણ માનતું નથી.

પળ પળ ધડકે મારું હૈયું તારા નામ પર,

જોને એ પણ હવે મારું કહ્યું કરતું નથી.

છે તો હજારો લોકોની ભીડમાં મારો દેહ,

આ દલડું તારા વિના કોઈને જાણતું નથી.

કેવો સુંદર છે આ દુનિયાનો મેળાવડો !

પણ તારા વિના હૈયું ખુશી માણતું નથી.

કેટલાય રસમો રિવાજો છે આ દુનિયાના,

પણ આ પાગલ દિલ રસમો પાળતુ નથી.

ફૂલમાં ખુશ્બુ એમ તારામાં ભળી ગયું દિલ,

બંનેનું અલગ અસ્તિત્વ એ સ્વીકારતું નથી.