સૂરજ આથમ્યો આભમાં

સૂરજ આથમ્યો આભમાં ને,

તારલિયા વળ્યા ટોળે કે,

અજવાળા નહિ ઘટે રે લોલ !

પહેર્યા તારાઓએ ધોળા લૂગડાં ને,

છલકાવ્યા ખોટા દુખડાં કે,

સૂરજ વિના નહિ હાલે રે લોલ !

પછી એના સમય વિત્યા થોડાને,

ભૂલી ગયા સુરજને બધા કે,

કોણ કહે યાદ નહિ ઘટે રે લોલ !

સૂરજ આથમ્યો○...

સુરજ કરતો ચિંતા વ્યર્થમા કે,

મારી વિના કેમ હાલશે સંસાર કે,

મારી જગ્યા રહેશે ખાલી રે લોલ !

નાના ચાંદાએ લીધા એના સ્થાનને,

પછી થયા હશે સુરજને ભાન કે,

એની હાજરી નહિ ઘટે રે લોલ !

સૂરજ આથમ્યો○…

હોઈ ભલે મોટા નામ પણ,

થાશે એક દી’ બધા અસ્ત કે,

કાયમી કોઈ નહિ ચમકે રે લોલ !

એકની ચમક ખૂટતા જ રે,

ચમકવા બીજો હશે તૈયાર કે,

ચમક કોઈ દી’ નહિ ઘટે રે લોલ !

સૂરજ આથમ્યો○...

હોઈ ભલે ધનને મોટા રાજ પણ,

આ સંસાર સમરે કામને કે,

બાકી કોઈ યાદ નહિ રહે રે લોલ !

તારી પણ કાંઈ નથી કિંમત રે,

‘અર્જુન’ સાંભળ તુ એ સત્ય કે,

સિંધુમા બિંદુ નહિ ઘટે રે લોલ !

સૂરજ આથમ્યો○....