સુસ્વાગતમ નૂતન પ્રભાતા
સુસ્વાગતમ નૂતન પ્રભાતા
મંગલ ટાણાં કંકુવરણાં
દિવ્ય નૂતન પ્રભાતા
સુસ્વાગતમ કરે પંખીડાં
આરત કલરવ સુનાદા,
વાદળ ધવલાં વ્યોમે રમતાં
રંગે ઉમંગો આકાશું
નૂતન વરસે ઝીલે મનડાં
હૈયા ઝોલે સુવાસું,
થાજો ઝગમગ વિશ્વ રૂપલું
દે આંગણ આવકારા
ઝૂમે વનરાજી ફૂલોમઢી
ફોરમ ઘરઘર સુવિચારા,
ભર્યા ભાવો અભિનંદનથી
પાવન પ્રેમ પ્રસાદા
મુબારક સૌને સુખ સમૃધ્ધિ
પ્રાર્થુ ધરજો સુભાગા.