સત્યના પૂજારી

બુદ્ધ, ગાંધી, ભગતસીંગ

એ સત્યના પૂજારી,

બોઝ, આઝાદ, સરદારને 

શકું કેમ વિસારી ?

સાદગી, પ્રેમ, શૂરવીરતા

અહિંસા રૂપી કટારી,

આંદોલન આઝાદી કાજે, બાપુ કરે સવારી,

શસ્ત્ર અદ્ભૂત ધારી

એ અહિંસાની આરી,

શૌર્ય, સત્યના પાઠ થકી

માનવતા મઠારી !

કરી મીઠા સત્યાગ્રહે

દૃઢ નિષ્ઠા ધારી,

ખાદી ચરખો ભેખધરી

દેશ દાઝ શણગારી !

પહેરે ટૂંકી પોતડી પણ

એ લાઠીની ખુમારી,

નવયુવાન ડોસલો

ભગાવે ભ્રષ્ટાચારી !

વૈષ્ણવ નરસિંહ પીડ પરાઈ,

બાપુની ફૂલવારી

નથુરામે પ્રાણ હર્યાં ને

ગયા આભ અટારી !

સંદેશ પથ પર સદાય

લેશ ના લાચારી,

સ્વતંત્રતા દિવસે પ્યારા બાપુ,

બનું હું રંગારી.