સ્ત્રી
સ્ત્રી
1 min
207
પ્રભુ શાને બનાવી તે સ્ત્રીની આ જાત ?
તારે જ અવતરવું’તું જગમાં સાક્ષાત
જયાં જન્મી ફૂલ સમી વાડી તેને એ ગમી
પણ,યુવતિ થઈ ત્યારે એક જંગલ અજ્ઞાત ?
પ્રભુ..
લાગણીનો ધોધ હૈયે
જેમ વાળે તેમ વહે
છતાંય પથ્થર આપતાં
સતત તેને કાં ઘાત ?
પ્રભુ. . .
ઘર-સ્તરને એ સાચવે
છતાં સ્થાન એનું બાંકડે !
કોઈએ ઘડયાં નિયમ
એમાં એનો શો વાંક ?
પ્રભુ... . .
તું આવ્યો સદા દેવ બની
દેવીની સહાય લેવી પડી ?
એવી જ એ દેવી ખાય છે
હવે, શાને સદા પછડાટ ?
પ્રભુ...
હવે જો આવે ને તો
સ્ત્રી બનીને આવ
તું તેને આધીન છે !
એ સૌને સમજાવ
નહીંતર દૈવી શક્તિનો
તું જાણે છે’ ને વિષાદ ?
પ્રભુ, શાને બનાવી તે સ્ત્રીની આ જાત ?
શું તારે અવતરવું’તું જગમાં સાક્ષાત !