સ્પર્શ

અલ્લડ હવાનો માદક સ્પર્શે તારી યાદોની વણઝાર લઈને આવે છે,

જેમ વસંતના સ્પર્શે મહેકે બાગબાન

એમ મહેકે મારા દિલનો બાગ,

તું મારા દિલની વસંત

તારા સ્પર્શે મહેકે મારુ તનમન

તારી નજરનો સ્પર્શ કરે મને ઘાયલ

વીંધાય મારુ હૈયું

જેમ વીંધે પંખી ને એકલવ્યનું બાણ,

તારા સ્પર્શમાં આ કેવો જાદુ

લોહ મટી હું સુવર્ણ બની

તારા સ્પર્શમાં આ કેવો જાદુ

પથ્થર મટી હું મૂરત બની

તારાં સ્પર્શે હું કાચ મટી કંચન બની ગઈ,

તારા સ્પર્શમાં આ કેવો જાદુ

હતી ઉદાસીનતાની મૂરત

પણ તારા સ્પર્શે હું જીવંત ગઝલ બની ગઈ.