સ્પર્શ - અડવાના સ્પંદન

પાછો વળી, હું,

વિચલિત કોઈના;

સ્પર્શે થયો છું.

તમે સ્પર્શ્યા તે,

અંગે, ખાલીપો રહ્યો,

વર્ષોના વર્ષો !

મધુર સ્પર્શ !

સરસ સ્મૃતિઓને,

જગાવી રહ્યો.

સિવાય તારા,

સ્પર્શવાની હિંમત;

નથી કોઈની.

એ અણોહરો,

સ્પર્શ તારો, સલૂણો;

બોલ્યો છે બહું.

સ્પર્શ માણવા,

મીઠો ! જોગ જોઈને,

તારે; આવવું.

સ્પર્શે સ્પર્શે "તું"

અનોખો અનુભવું,

બહુરૂપિયો.

સ્પંદન તારા,

રણઝણે, ઉરમાં,

ઝાલર વાગે.

સ્પર્શીને તને,

ધન્યતા, અનુભવે,

પથ્થર છતાં.

અનેરું સુખ,

પાષાણ પ્રતિમાએ,

સ્પર્શ કરીને !

સુંવાળા સ્પર્શે,

સ્પંદન જાગે, ઊઠી,

ટેરવાં બોલે !

કામને લઈ,

ટાળતો રહ્યો, તને;

'વે, ટળવળું !

ઉંબર આવ્યો;

તારા દર્શન, પામી,

થયો ધરવ !

ભલો પથરો,

સ્પર્શ ટાંકણા થકી;

પારસમણિ !

તીવ્ર વેદના,

સહન કરી, એણે,

તો પૂજ્ય થયો !