સપનું.

સપનું મારું સતત મરતું રહ્યું,

મૃત બની આંખોમાં તરતું રહ્યું,

ખુલ્લી આંખે રેત જેમ સરતું રહ્યું,

અશ્રુ બની આંખે ફરતું રહ્યું,

વિચારોના ઘાસ ચરતું રહ્યું,

કલ્પનાની દુનિયામાં ફરતું રહ્યું,

આ હૈયું ડૂસકાં ભરતું રહ્યું,

તોયે આ મન નવા સપનાં સજતું રહ્યું,

આ આત્મ ઈશ્વરને ભજતું રહ્યું,

તૂટેલાં સપનાંને ભેગું કરતું રહ્યું,

ઈશ્વર કૃપાથી સપનું હકીકત બનતું રહ્યું,

બસ આ મનડું ઈશ્વરમાં રાચતું રહ્યું,

બસ એ પળથી મને આ જગ જાચતું રહ્યું !