સોય દોરા વચ્ચે થઈ તકરાર
સોય દોરા વચ્ચે થઈ તકરાર
એક દી સોય દોરા વચ્ચે તકરાર થઈ ગઈ,
બંને વચ્ચે જોરદાર લડાઈ થઈ ગઈ,
સોય કહે હું મોટી તું નાનો,
મારા વગર તું સાવ નકામો,
દોરો કહે મારા વગર તું નકામી,
મારા થકી છે બધી તારી નવાબી,
દોરો ચાલ્યો સીવવા એકલો એકલો,
સોય ચાલી સીવવા એકલી એકલી,
બંને પાછા ફર્યા, એકબીજા વગર કશું ના કરી શક્યા,
બંનેને વાત સમજાય ગઈ,
એકબીજા વિના બંને અધૂરા,
બંનેના સંબંધ બન્યા મધુરા,
દરેક માનવ પણ આ બંને સમાન,
કોઈ સોય તો કોઈ દોરા છે,
એકબીજા પર છે આધારીત,
એકબીજાના વિના છે એ બિચારાં,
સોય દોરો તૂટેલાને સાંધે,
એકબીજાનો મિલાપ કરાવે,
જોડવાનું એ કામ કરે,
નવું રૂપ નવો ઓપ આપે.