સંગ

મિટાવે માનવીના દુર્ગુણોરૂપી કુકર્મોને,

ને ખીલાવે સદગુણરૂપી સુકર્મોને,

ને લઈ જાય એક ઉચ્ચ શિખરે,

કે જ્યાં એનો મોભો,

સદા ખીલતો જણાય, એજ સંગ

આ સંગ કેરો પ્રભાવ માનવીને,

ક્યાંથી ક્યાં લઈ જાય !

મળી જાય સદગુરૂનો સંગ તો,

ભવજળ તરીકે જવાય !

ને મળી જાય જો કોઈ,

ઠગારાનો સંગ તો,

જીવન બરબાદીના એળે જાય !

સારાં સંગથી જીવન,

આબાદ થઈ જવાય !

સંગ કર્યો મીરાંબાઈએ,

એની કિર્તી વખણાય જગમાંય,

આ જીવન કેરા સફરમાં,

કરજો એવો સંગ,

જે નિહાલ કરી દે જીવન આપણું,

નિભાવજો એવો સંગ,

મેં પણ જોયાં આ દુનિયાના,

જુદા-જુદા રંગ,

તેથી સમજાયો હરિ તારો,

રૂડો છે સંત સંગ !

હરિ તારા મારા સંગને તુજ સાચવજે,

પ્રાર્થું તુજને એ આશ થકી,

આખરે અનંતની યાત્રા શોભશે મારી,

તારા સત્સંગ કેરા સંગ થકી.