જન્માષ્ટમી

કૃષ્ણમાં આસ્વાદ જાગે તો ખરી જન્માષ્ટમી છે,

અંતરે ૐ નાદ જાગે તો ખરી જનમાષ્ટમી છે,

સત્ય, ધર્મ ને પ્રેમ કાજે ઘા સહીને પણ ન ડગ્યા,

કર્મનો એ સાદ જાગે તો ખરી જન્માષ્ટમી છે,

પ્રેમવશ પકવાન છોડ્યા ને એ ભાજી ખાય હોંશે,

લોભમાં અવસાદ જાગે તો ખરી જન્માષ્ટમી છે,

પ્રેમનું દ્રષ્ટાંત ખુદ થઈ કેળવી નિઃસ્વાર્થતા બસ,

પ્રેમમાં સંવાદ જાગે, તો ખરી જન્માષ્ટમી છે,

જે જડીબુટ્ટી આ ગીતા મંત્ર જીવનના સફરમાં,

શાસ્ત્રમાં ઉસ્તાદ જાગે તો ખરી જન્માષ્ટમી છે.