એ મથે છે

લક્ષ્ય શિષ્યોનું ખરું સાકાર કરવા એ મથે છે,

આત્મવિશ્વાસી બનાવી ભયને હરવા એ મથે છે.

આંગળી કઈ કાપશો તો લોહી નીકળશે નહીં કહો ?

મા સમો 'માસ્તર' બની જ્ઞાન ભરવા એ મથે છે.

સદગુણોનો શીખવે કક્કો જીવન સજવા ઉજાસે,

સર્વ વિદ્યાર્થીનું ઉજ્જવળ ભાવી સજવા એ મથે છે.

શ્રેષ્ઠત્તમ શિષ્યો બનાવા એ હૃદય કાયમ ધબકતું,

હા, પ્રલય દુર્ગુણનો સર્જી દોષ છડવા એ મથે છે.

કો' જો પહોંચે ઉચ્ચ શિખરે તો ખુશી લાગે સવાઈ, 

ઉચ્ચ ભણતર નીંવને મજબૂત નભવા એ મથે છે.