સંબંધોની અંતિમ તિથિ

માન્યમાં ન આવે

પણ જોયું છે,

માણસનું મૃત્યુ થાય,

તો બરાબર છે,

પણ જીવતે જીવત

મનનાં દ્વાર બંધ થાય!

એ નિહાળ્યું,

જાણ્યું ને અનુભવ્યું ય છે.

એક દ્વાર બંધ થાય,

તો જ બીજું ઉઘડે,

અને ઉઘડે જ..

ત્યાંનું ત્યાં તો ન જ રહેવાય,

બધું સહેવાય,

પણ આ વાત

કોઈ ને ન પુછાય..

ના..કહેવાય..કે,

સંબંધોની અંતિમ તિથિ

કોને કહેવાય?!

એજ? જે સંબંધો ..

ઊંડે ઊંડે કોહવાય,

નિચોવાય, ઉભરાય..કે

હવામાં વિલિન થાય?

આ...બધાં જ સંબંધો

ઠરીઠામ ન થાય..?

કાયમી?..

આપણી...

અંતિમ ઘડી સુધી?