સમર્પણ

સમર્પણ તારું મા સરખાવી ન શકું,

હા! બસ સસ્નેહ તને નિહાળી શકું.

તારી કાળજી લેવાની ભાવના ચિતરું કેમ?

હા! અનુભવી બસ ધન્ય ધન્ય થઇ શકું.

ભાવથી અઢળક ભરાયેલી છે તું,

માટે જ હૈયું મારું ભીંજાતું રાખી શકું.

ઉપકરોની વાત કદાચ તને નહીં ગમે,

એટલે બધું તું જ છે મા કહી શકું.

દુઃખો સહીને પણ તું કેવું! હસી શકે છે,

એટલે ખુશીના હજાર કારણ શોધી શકું છું.

તારા સમર્પણને શું અર્પણ કરી શકું હું?

જન્મોજન્મ બસ! તું જ મા મળે પ્રાર્થી શકું.