Library
Profile
સમજાય છે મુજને !
સમજાય છે મુજને !
મળ્યો તું, ઈશને કર જોડીને કરેલ માગણીથી,
બન્યો તારો-મારો અતૂટ બંધન, વિશ્વાસ ને લાગણીથી !
એ મિત્ર, સમજાય છે મુજને !
રહે તું મારી આસપાસ અત્ર-તત્ર,
પડે જ્યાં જરુર, બને તું મારો છત્ર !
એ મિત્ર, સમજાય છે મુજને !
કરે સંવાદ સ્નેહથી, કૃષ્ણ-અર્જુન જેવો,
મળે સૃષ્ટિમાં, જિંદગીનો એ લ્હાવો કેવો !
એ મિત્ર, સમજાય છે મુજને!
હિત વિચારે તું મારું, છે કેવો તું સમર્થ,
ગમતાનો કરું ગુલાલ તને, એજ છે મારો અર્થ !
એ મિત્ર, સમજાય છે મુજને !
ખબરેય ન પડી, બન્યો ક્યારે મારો તું મિત્ર,
હશે ચિત્રગૃપ્તના ચોપડે, સંગે તારું-મારું પણ ચિત્ર !
એ મિત્ર, સમજાય છે મુજને !
હે ઈશ્વર! ન દેજે તું બીજા ઘણાં સંબંધ ચાલશે,
મારું જીવન તો, મિત્ર બંધનમાં જ મ્હાલશે !
એ મિત્ર, સમજાય છે મુજને !
સપનાને તોડનાર, તો હશે હજાર જણ,
થયા 'સ્વપ્નીલ'ના સપના તારા, તારા સપના મુજ સંગે ગણ !
એ મિત્ર, સમજાય છે મુજને !
