સકારાત્મકતાનો સઢ

વહેણ સાથે બસ વહી રહ્યો છું, 

અજાણ છું ક્યાં જઈ રહ્યો છું.

નિયતી નથી હાથમાં મારા,

હશે કેવા ને કોના સથવારા ?

મુંઝવણ થોડી; ને થોડી બેચેની, 

અટકળોની ચઢી છે હેલી.

કિંતુ; વહેણ થકી જ ગતિમાન થવાશે,

રીઢા પડ્યે; તો કરમાઈ જવાશે.

આયખું આ અણમોલ મળ્યું છે,

પીછેહઠ એમ કરાય કેમે(ય)?

નીતિ થકી જ નિયતી નક્કી થાશે,

બન્ને બથ ભરશે!? કે પછી બાથ ભિડાશે! ?

અનીતિને વરશે અધોગતિ 

સુનીતિને વરમાળા ઉન્નતિની!! 

સકારાત્મકતાનો સઢ ચઢાવી,

વહાણમાં બેસી ગયો છું.

બેચેની, મુંઝવણ ને માર્યો હલેસાંનો ફટકો,

હવે તો, નૈયા પાર કર્યે જ છૂટકો.