શું કરશો
શું કરશો
ખર્ચી નાખો હવે રૂપિયા, બચાવીને શું કરશો ?
તિજોરીને ભરી રૂપિયા, સજાવીને શું કરશો ?
તમે રૂપિયા ખર્ચશો, તો મજા એની જ મળશે
ખર્ચાશે ના તો, કાગળિયા બનાવીને શું કરશો ?
હવે માને છે, જગ પ્રતિષ્ઠા રૂપિયાથી તમારી
તમે જાશો પછી, એને વહેચીને શું કરશો ?
વગર રૂપિયે નહીં કોઈ પૂછે તમને, શું કરશો ?
સંબંધો છે બધા સ્વાર્થી, નિભાવીને શું કરશો ?
પ્રભુ પણ છે હવે નારાજ, મૃદુલ મન થકી તો,
પ્રભુ તમને મળી, પૂછશે ઉપર તો, શું કરશો ?