શું કહેવાય

આવે છે, જાય છે, શ્વાસ

પણ, કેવી રમત કરી જાય છે ?

શું આને જ જિંદગી કહેવાય છે ? 

જાય શ્વાસ ને શરીર શિથિલ થાય છેે. 

એક એક ઘટકમાંથી ચેતના જાય છે.

શું આને જ મૃત્યુ કહેવાય છે ? 

આયુષનું અવલોકન આમ થાય છે !

જન્મ મૃત્યુ સુધીનો મંડાય સરવાળો

શું આને જ કહેવાય ઉંમરનો ગાળો ? 

શ્રીમંતોની કબર પર ઘીના દીવા થાય

ગરીબોનાં ભોજનમાં ટીપુ તેલ ન દેખાય

શું આને જ સમાજની અસમાનતા ન કહેવાય ? 

પુત્રનો જન્મ થાય ઘરે-ઘરે પેંડા વહેચાય.

પુત્રી જો જન્મે માથાકૂટ ને પરિવારમાંં યુદ્ધ થાય.

શું આ ને સંસારની ભેદરેખા ન કહેવાય ? 

વ્યભિચારી, અત્યાચારીનો જયજયકાર થાય,

સ્ત્રીની હાલત દયનીય ને, નાજુક થાય,

શું આને કલયુગની શરૂઆત ન કહેવાય ?