લાઈબ્રેરી
પ્રોફાઈલ
મોગરાનો ગજરો
મોગરાનો ગજરો
1 min
222
તારાં પ્રેમનો પમરાટ,
તારાં મહેકનો મઘમઘાટ,
તારાં ટેરવાનો ઝણહણાટ,
મારાં અંબોડે ઝૂલે, તારો મોગરાનો ગજરો.
તારાં અસ્તિત્વનો અહેસાસ,
તારાં પ્રેમની ખુશ્બુ મહેસૂસ,
તારાં સ્પર્શથી જાણે મદહોશ,
મારાં અંબોડે ઝૂલે, તારો મોગરાનો ગજરો.
તારું સુંઘવું, મારી શ્વાસ મ્હેકવી,
તારું ચૂમવું, મારી ધડકન બેકાબૂ,
તારું પહેરાવું, મારી લટ ફરફરવી,
મારાં અંબોડે ઝૂલે, તારો મોગરાનો ગજરો.
તારી આદત, મારી મસ્તી,
હું સોયદોરો, તું બને મોગરો,
ગજરો ગુંથ્યો, કેશમાં લહેરાયો,
મારાં અંબોડે ઝૂલે, તારો મોગરાનો ગજરો.
