શોધું છું આજ
શોધું છું આજ
આજ ગોતી રહી છું કશુંક,
ગોતું છું, મારા સુના ઓરડાની કલબલાટભરી રોનક !
શું એ ઘેલુડા પંખીઓ આવશે ફરી મુજ માળામાં !
આજ ભૂૂૂંસી રહી છું કોરુ પાટીયું !
ગોતું છું, મારા કોરા કાળા પાટિયાની શબ્દવણઝાર !
શું આડાઅવળા અક્ષરોથી ભરાશે ફરી મુજ પાટીયું ?
આજ રમું છું, એકલી એકલી સંતાકુકડી !
ગોતું છું, ખેલમાં અદ્રશ્ય છૂપાયેલ પડછાયાઓનેે !
શું એ અદ્રશ્ય પડછાયાઓનો સાચે જ કરી શકીશ ફરી હું થપ્પો ?
રાજ ડૂૂૂબી રહી છું આ શૂન્યાવકાશમાં,
સાંભળું છું મારા ઓરડાની આ નક્કર લાદીઓનો પડઘમ !
શું એ હૂંફાળી પગરવી ઠેસ આ લાદીઓને ફરી અથડાશે ?
હાજ વિહરુું છું, મૃગજળી શૈક્ષણિક પ્રવાસમાં !
શોધું છું મારા બાલુડાનો મસ્તીભર્યો સંંગાથ !
શું એ મસ્તી સાથે નીત-નવા જ્ઞાનનો શૈક્ષણિક પ્રવાસ ફરી થશે ?
આજ પડી હું મોટી વિમાસણમાં,
જોઉં છું વાટ આ મૃત બનેલ શાળાનાં ધબકારની !
શું એ ધબકાર શાળાને ફરી જીવંત બનાવશે ?