શોધી લઉં જરા
શોધી લઉં જરા
શોરમાં તો ના મળ્યો, શાંતિમાં શોધી લઉં જરા,
ભીડમાં તો ના મળ્યો, એકાંતમાં શોધી લઉં જરા.
શબ્દોમાં તો ના મળ્યો, નિ:શબ્દમાં શોધી લઉં જરા,
બોલમાં તો ના મળ્યો, મૌનમાં શોધી લઉં જરા,
ક્રિયામાં તો ના મળ્યો, નિષ્ક્રિયતામાં શોધી લઉં જરા,
જાગતા તો ના મળ્યો, ધ્યાનમાં શોધી લઉં જરા.
ચાલતાં તો ના મળ્યો, વિશ્રામમાં શોધી લઉં જરા,
વિચારમાં તો ના મળ્યો, નિર્વિચારતામાં શોધી લઉં જરા.
પ્રશ્ર્નમાં તો ના મળ્યો, પૂર્ણવિરામમાં શોધી લઉં જરા,
બાહર તો ના મળ્યો, ભીતરમાં શોધી લઉં જરા.