સહનશીલતા

લાગે છે મને, ઈશ્વરે તને, મારાં નામની સોપારી આપી લાગે છે.

"એ રીબાઇ ને જ મરવો જોઈએ",એવી જવાબદારી આપી લાગે છે.

તારે ક્યાંય જવાની જરૂર નથી,એ સામેથી જ આવશે.

ખબર નહી નજરમાં કોઈ હોશિયારી આપી લાગે છે.

આ ગુનાહમાં વાંક તારો કદીય નહી આવે.

આક્ષેપો કરવાની તો પદવી બહુ ભારી આપી લાગે છે.

છોડવાનું કારણ તો નિશ્ચિત જ હતું તમારુ.

તોય ખૂબી સહજ સમજાવાની બહુ સારી આપી લાગે છે.

તમે છોડો કે નિભાવો એ બેવફા નહી નીકળે.

"ઘાયલ" ને તો માત્ર લોહીમાં વફાદારી આપી લાગે છે.