શણગાર
શણગાર
સોળ શણગાર કહીને અંગોમાં બાંધે છે,
રીતરિવાજના નામે રુઢિઓમાં બાંધે છે !
એની ઓળખ માટે કયાં છે કોઈ શૃંગાર ?
હક જતાવવા એનો માન્યતામાં બાંધે છે !
જુદીજુદી જણસ ને જુદાજુદા આ રંગો,
ભાગ્ય અને શ્રદ્ધા કેરા પ્રતિકમાં બાંધે છે !
પ્રસંગોમાં આ અલંકારોનું અનેરું બહુમાન,
જુદી નાતજાત જુદા વ્યવહારમાં બાંધે છે !
સાજ શણગાર સજવાના બધા સ્ત્રીઓને,
સંબંધો, સંસ્કાર, લાજ, મર્યાદામાં બાંધે છે !