શબ્દો વાંચુ છું

ડાયરીનાં પાને પાને એ અદ્રશ્ય શબ્દો વાંચુ છું,

સમજાય છે મને એ શબ્દોનાં અર્થ વાંચુ છું,

સમય અવિરત વહી ગયો પછી એ શબ્દો વાંચુ છું,

શબ્દોનાં અનેક અર્થ થાય એ શબ્દો વાંચુ છું,

શબ્દે શબ્દે સ્મિત પાથરી એ શબ્દો વાંચુ છું,

જીવનમાં ખુશી મેળવવા એ શબ્દો વાંચુ છું,

શબ્દે શબ્દે લાગણી નીતરે છે એ શબ્દોને વાંચુ છું,

અંતરની લાગણીઓને આજ એ શબ્દોને વાંચુ છું,

અમી ભર્યા એ અમૃતબુંદ, એ શબ્દોને વાંચુ છું,

હૃદયના દરેક ધબકારે એ શબ્દોને વાંચુ છું,

નહીં ભરાય એ ઊંડા ઘાવ કદી, એ શબ્દ વાંચુ છું,

લાગણીઓ છોલાય છે હવે, એ શબ્દ વાંચુ છું,

નથી કોઈ જગતમાં એનો મલમ, એ શબ્દ વાંચુ છું,

ઘા પર ફરી ફૂલો પાથરી દે હવે, એ શબ્દ વાંચુ છું,

ના કરીશ ઝાઝા વિચાર હવે એકવાર, એ શબ્દ વાંચુ છું,

બસ એ જ છે ઉપાય આખરી હવે લાગણીનો એ શબ્દ વાંચુ છું,

વહેતી આંખને હવે કોઈના રોકી શકે એ શબ્દ વાંચુ છું,

લાગણી ના સમજે એને કોઈ ના ટોકી શકે એ શબ્દ વાંચુ છું,

અંતમાં આજ શબ્દોને શબ્દોની જરૂર નથી, એ શબ્દ વાંચુ છું,

દિલનાં ખૂણે ધરબાયેલી લાગણી સળવળી એ શબ્દ વાંચુ છું.