શાને રાહ જોવડાવો છો

આવડત પર તમારી ખૂબ માન છે,

બહું સરળતાથી લાગણી છુપાવો છો.

મળો છો જો ક્યારેક અમને રાહમાં તો,

મારી નજરથી નજરને બચાવો છો.

કહો છો અલગ - અલગ વ્યક્તિત્વ છીએ,

તો એકાંતમાં શાને ગુણો સરખાવો છો ? 

વાસ્તવમાં તો દૂર ભાગો છો મુજથી ને,

સ્વપ્નમાં રોજેય અમને દિલથી અપનાવો છો.

રિસાયેલાં નથી અમે ક્યારેય તમારાથી તોય,

વિના કારણે પણ અમને રોજ મનાવો છો.

આંખો તો પહેલીવારમાં જ લાગણી વર્ણવી ગઈ,

હવે આમ અમસ્તી જ શાને રાહ જોવડાવો છો ?