કૃષ્ણ કનૈયો

નટખટ તોય સોહામણો લાગતો કૃષ્ણ કનૈયો,

એ તો ગોપીઓનો મનભાવન કૃષ્ણ કનૈયો, 

માખણ ચોરી ખાતો, ખાય ને ખવડાવતો,

એ તો જશોદાનો રાજદુલારો કૃષ્ણ કનૈયો,

જેને માથે મોરપંખ શોભે, કંઠે ગુંજાની માળા,

એ તો નંદરાયનો લાડકવાયો કૃષ્ણ કનૈયો,

ચરાવતો ગાયો જે બાળસખાઓ સાથે,

એ તો ગોકુળનો ગોવાળિયો કૃષ્ણ કનૈયો,

ઈન્દ્રના પ્રકોપથી બચાવ્યું જેણે સઘળું ગોકુળ,

એ તો ગિરિરાજધારી કહેવાયો કૃષ્ણ કનૈયો,

કામણગારી આંખો જેની પળમાં મન હરનારો,

એ તો રાધાજીના હૃદયમાં વસનારો કૃષ્ણ કનૈયો,

સઘળી સૃષ્ટિનું કરે છે જે કલ્યાણ અને રક્ષણ, 

એ તો ભક્તોનો પાલનહારો કૃષ્ણ કનૈયો.