નામ જુદાં - જુદાં

બન્યાં છીએ બધાં પંચતત્વે તોય, 

માનવીએ – માનવીએ રંગ જુદાં – જુદાં, 

ચાલે છે સૌ પોત – પોતાના રસ્તે ને, 

અહીં સૌના કામના ઢંગ જુદાં – જુદાં, 

જમી જાણે છે એક પંગતે તો પણ, 

જુઓ તો મળશે બધાંના મન જુદાં – જુદાં, 

હોય મનમાં શું ? દેખાડો હોય કંઈક બીજો, 

અહીં તો અંદર- બહારના ભાવ જુદાં-જુદાં, 

સર્જનહારે બનાવ્યાં સૌને એકસમાન તોય, 

અહીં છે ઊંચ – નીચના સ્થાન જુદાં – જુદાં, 

સૌની છે અહીં અલગ ઓળખાણ ને, 

વળી હોય છે બધાંના નામ જુદાં – જુદાં.