ધરતી પર છવાયો છું

પરોપકારી હોવા છતાંય ઘવાયો છું,

આજ ફરી પાછો દુનિયામાં વગોવાયો છું,

હતી મને સત્યની પૂરેપૂરી જાણકારી,

છતાંય જુઠ્ઠાણી વાતોમાં ફસાયો છું,

હસ્યો હરવખતે આ સ્વાર્થી જગત પર,

ને આજે હું જ સ્વાર્થમાં સપડાયો છું,

સંબંધોની સાપસીડીમાં હંમેશા હાર મળી,

છતાંય જો ને લાગણીમાં અટવાયો છું,

મળી જશે ઘણાં સાથી જીવનના આ સફરમાં,

પણ તું નહીં મળે એ વાતે ગભરાયો છું,

માંડી છે મેં દોટ આકાશ તરફની ને,

આજે જો ને ધરતી પર છવાયો છું.