સાયબો મારો

પાંગર્યો છે પ્રેમ જેના બાહુપાશમાં મારો,

સ્પર્શ મુલાયમ એનો સુંવાળો,

પ્રેમાળ છે એ સાયબો મારો !

ફંટાય જો વંટોળનો મારો, 

સદાય આપે મુજને સહારો, 

ઢાલરૂપી કવચ બનીને,

અડીખમ ઊભો છે, એ સાયબો મારો !

કંટક વ્હોરી લીધા છે જેણે,

આપવા મુજને ફૂલનો બિછાનો,

અખૂટ શાલિનતાનો ખજાનો, 

લાગે વ્હાલો એ સાયબો મારો !

કેડે પાતળિયો, વાને શામળિયો, 

રોમેરોમ શિતળતાનો છાંયો,

મમ દુ:ખનો ન કોઈને આપે ઓછાયો,

ગજબની શાંતતા ને ધીરજનો ધારો

એવો અજબ છે એ સાયબો મારો !