સાત વારની ઓળખ !

તડકો લાગે, તો યે ઉઠવાનું મન ન થાય,

સૂરજને  પ્રણામનો નિયમ  ન સચવાય,

તો માફ કરજો  આ રવિવાર છે !

નવી યોજના પાર પાડવાનું મન થાય,

હસતાં, વાતો કરતાં, દિવસ પસાર થાય,

તો સમજજો આજે સોમવાર છે !

યાદ આવે કસરત, અને તેનાં ઓથારો,

"કૈંક સરસ આજે ખાવું છે ! " વિચાર આવે,

તો સમજજો આ મંગળવાર છે !

બુદ્ધિની વાતો, ને વિદ્યાભ્યાસની  વાતો,

પ્રાધાન્ય ધરાવે, નિજ તથા પર કાજે,

તો યોગ્ય જ છે, આ બુધવાર છે !

પ્રભુ સ્મરણ, કૈંક  સાચું ને ખોટું,

જીવનનાં આટા -પાટા જો  વ્યર્થ લાગે,

એ ગુરુ  બૃહસ્પતિનો વાર છે !

સંગીત ને લેખન, મેઘધનુષી કલરવ,

મિત્રો સાથેની ગોષ્ઠીમાં  દિવસ વિતે,

તો ખરેખર  તે શુક્રવાર છે !

ચિંતન, મનન ને મનની નિશ્ચલતા,

ન્યાયની વાતો, જમીન-જાયદાદની વાતો,

 તે આખરનો વાર  શનિવાર છે !