સારું થયું

તેને મનાવવી કદાચ ખૂબ અઘરી પડત મને,

સારું થયું કોયલે એક ટહુકો લગાવી દીધો,

કદાચ મારા શબ્દો વર્ણવી ન શકત તેને,

સારું થયું ગઝલે અનોખો સૂર પુરાવી દીધો,

ના માનત તે કદાપિ કેટલી સુંદર છે પોતે,

સારું થયું મેં તેને આયનો બતાવી દીધો,

કદાચ આ સૃષ્ટિમાં ફરી ન શકત હું પાછો,

સારું થયું મારી પાંપણે પલકારો લગાવી દીધો,

મારા પ્રેમની સાબિતી શું આપત હું તેને,

સારું થયું આ હદયે ધબકારો ચૂકવી દીધો,

અધૂરી રહી જાત મારી વાત સંગીત વિના,

સારું થયું આ શ્વાસે સિતાર બજાવી દીધો.