આપનું સ્મિત છે કે ચમકતો ચાંદલો

જોતાં જ તમારું સ્મિત, તમે ગમી ગયા,

મારાં મનમાં જાણે કેટલાં સ્વપ્ન રમી ગયાં..

આપનું સ્મિત છે કે ચમકતો ચાંદલો,

જોઈને મનનાં કેટલાં તારાં ટમટમી ગયાં..

આપનાં સ્મિતમાં છે ઈશ્વરનો વસવાટ,

જોતાં જ થઇ શુદ્ધતા, અને શિર નમી ગયાં..

ચાલવું જોઈએ તમારાં સ્મિતનું ચલણ દેશમાં,

જેની સાથે રહ્યાં, તેનાં ભાવ સુધરી ગયાં..

સ્મિત આપનું મશહૂર છે સર્વ લોકોમાં,

તેની સામે "મોનાલીસા"નાં ભાવ ગગડી ગયાં.