પિતા એટલે

પિતા એટલે ધગધગતો સૂર્ય,

જે પરસેવો પડાવે પણ જીવનને

તે જ ચલાવે,

પિતા એટલે મજબૂત કાષ્ઠ,

જે વાગે ઘણું પણ વિપત્તિનો સમુદ્ર

પાર પણ કરાવે,

પિતા એટલે લાબું મૌન,

જે કળવું કઠિન પણ

શબ્દથી વધુ અસરદાર,

પિતા એટલે ઊંડા પાયા,

જે જોવા ન મળે પણ

તેનાં વિના બધું નિરાધાર,

પિતા એટલે કપરી મહેનત,

જે સમગ્ર શરીર-મનને થકાવે પણ

અંતે અપાવે સફળતા,

પિતા એટલે તત્વજ્ઞાન,

જે સમજવું અટપટું પણ

સમજાવે જીવનની ગહનતા.