રંગમંચ

જીવન એક રંગમંચ

હું તું અને આપણે,

અહી સૌ આ રંગમંચની કઠપૂતળી

રોજ નવા પાત્ર

રોજ નવી સ્ક્રિપ્ટ

રોજ નવી વેશભૂષા,

હરદમ સજ્જ

ના જાણે ક્યારે કઈ ઘડી

ભજવવી પડે ભૂમિકા,

એક સાથે અનેકો કિરદાર

માગે આ રંગમંચ પડકાર,

નવ રસ પીવા ને પીવરાવવા

હું તું અને આપણે,

છે એક જ મારું આ અસ્તિત્વ

ને કિરદાર અલગ અલગ,

ચહેરો એક ને અસંખ્ય 

ભાવો ની ભરમાર,

નાટકની ભૂમિકા અદા કરતા

ભૂલી જવાય છે સાચી અદાકારી,

છૂપાવી લાખ ભાવો મારા

કંઇક જુદા જ ભાવો છે મારા,

રંગમંચ છે રંગમંચ આ

હું તું અને આપણે એના કિરદાર