રંગ હોળીના

રંગ તારા પ્રેમનો તારા  નયનથી જ છલકે છે,      

ઊર્મિઓના રંગ પણ મારા નયનથી જ છલકે છે. 

રંગ નિખરી નિકટતાનો મુખપર ઘણો જે ચમકશે,

રંગ આ રાતો ગુલાબી ગાલ પર તારા જ ચમકે છે.             

લાગણીના તાર દિલથી  મધુર ધુન તારી રણકશે,            

આંખમાંથી આંસુ હર્ષના કેમ તારા જ ટપકે છે.                  

રંગ હોળીના તમારા ગાલ પર આમ જે નિખરશે,         

રંગ મોસમનો તમારા આવવાથી જ નિખરે છે.           

રંગ હોળીના તમારા રંગથી કસુંબલ થઈ જશે,       

મૃદુલ મન આજે હવે કેસરિયુ થઈને જ મલકે છે.