રજવાડું

લાડ પિતાના, માની મમતા

બહેની કંઠે હાલરડું,

લાડકવાયો ભઈલો મારો

મળે એને રજવાડું,

બાળપણ એનું શાહી રહે

મનગમતું મળે રમકડું,

મોટો થઈ ગાડીમાં ફરે

ભોગવે એ રજવાડું,

મળે સુખ સંપતિ ને ઐશ્વર્ય,

મળે મનગમતી લાડી

ને હોય એક શિશું નાનકડું,

જાય ત્યારે સોંપતો જાય,

એના બાળને રજવાડું,

મારી અભિલાષા મારી મમતા                     

છે આ સપનું મારુ નાનકડું,                         

હાથ જોડી વિનવું તમને હે ઈશ્વર !                    

અમર રહે મારા ભાઈનું રજવાડું.