રહસ્યો

ઘણી ચીજો છે રહસ્યોથી ભરપૂર,

આપણી સમજ બહાર છે,

આમ તો પુરો બ્રહ્માંડ પોતેજ,

રહસ્યનો કરાવે દિદાર છે.

અજાણી ઉડતી રકાબી, વસ્તુઓ –

યુએફઓ –દેખાતી હોય છે આકાશમાં,

છે આપણા સહુની તર્કની બહાર,

રહસ્યો અપરંપાર છે.

ભુત-પ્રેત-પિશાચ-ડાકણ-તંત્ર-મંત્રનું,

રહસ્ય સમજવું છે મુશ્કેલ,

ઘણી વાર આમાં, માનસીક,

બિમારી થાય પુરવાર છે.

આમ જોવા જઇએ તો કોવીદ – ૧૯નું

વાઇરસ પણ છે એક રહસ્ય,

પુરી દુનિયાના વૈજ્ઞાનિકો માટે,

એક મોટો પડકાર છે.

નથી ઉકેલી શકાતા ઘણા,

રહસ્યો આપણી જિંદગીમાં

આમ તો જન્મ – મૃત્યુ પોતેજ,

એક રહસ્યોનું દ્વાર છે.