રાખડી રુડી

શ્રાવણ માસે તહેવારોની આવે રે ઘોડાપૂર;

એમાં પ્યારા ભાઈબેનીનાં પ્રીતડી ભરપૂર

બેની ભાઈલા કાંડે બાંધે રાખડી રે અમ્મર;

ખમ્મા વીરાને લલાટે અક્ષત કુમકુમ અપાર !

ભાઈ તો દેતો બેનડીને વીરપસલી રે જરૂર;

રક્ષણ કરતાં ઉત્સાહી બતાવે એ તો શૂર !

બેનીની આશ તો લાગણીઓ સંગે રે હુજૂર;

પ્રેમનો તાંતણો બાંધી દેતી વર્ષો વર્ષનું રે નૂર !

રાખડી રુડી લઈને ફરતી બોલતી મીઠાં સૂર;

ભાઈલો મારો સૌથી ડાહ્યો બાંધી સ્નેહની ર દોર !