માની યાદ

કંઈક તો મારા જીવનમાં આજ ખોવાય છે

માની યાદ આવતાં આંખો મારી રોવાય છે 

ગામ આખું રખડુ,ભટકુ હું આખો દિવસ

મારા માટે એની આંખોમાં વાટ જોવાય છે

બની ગયો હું આજે બધાનો મોટો સાહેબ

મા વિના તો મારા ચારેકોર વાણા વાય છે 

ધન,દૌલત બહું કમાઈ લીધું છે આજે મેં

મા વિના આ હૈયુંજ મારું સાવ ખોવાય છે

ડનલોપનાં ગાદલામા વેરણ બની મારી નિંદર

મીઠી નિંદરતો માના પાલવમાં જ સુવાય છે  

કંઈક તો મારાં જીવનમાં આજ ખોવાય છે 

માની યાદ આવતાં આંખો મારી રોવાય છે