દીકરી રત્ન

બંને કુળને ઊજાળનારી દીકરી છે રત્ન,

માતપિતાને સમજનારી દીકરી છે રત્ન.

સૌથી વધુ એ ચિંતા પિતાની કરનારી છે,

માતા સંગ હળી જનારી દીકરી છે રત્ન.

પામે છે સ્નેહ, માનને લાગણી માવતરે,

શ્વસુરગૃહે એ શોભનારી દીકરી છે રત્ન.

હરાય છે સર્વસ્વ પિતાનું વિદાયવેળાએ,

લાગણીને એ છૂપાવનારી દીકરી છે રત્ન.

બેય કુટુંબને અજવાળે છે દીવો બનીને,

સહનશીલતા જે ધરનારી દીકરી છે રત્ન.

આવવું હોય ઈશ તો દીકરી થઈને આવજે,

હશે એ કાળજામાં વસનારી દીકરી છે રત્ન.