પુનરુત્થાને ભાવિ

સર્જન વિલયની લીલા, પુનરુત્થાની ભાળી નિરાળી,

પાનખરથી વસંત દેતી, આ સંદેશા ડાળી ડાળી.

સમય વહેણમાં અગન પછેડીએ વન રે બળતાં,

ને રાખમાંથી વર્ષા ઝીલી, નવલાં વન જ ખૂલતાં.

મોટા મોટા પહાણ નદી વહેણમાં રેત જ થાતા,

ને ફાટે જ્વાળામુખી, નવા પર્વતો જગ ડંકા દેતા.

હશે હોંશ જોમ તો નવ સ્વપ્નો લઈ ખેલે યુવાની,

પુનરુત્થાન નિયમ ઉપકારી, સુણજો મારા સાથી.

હણે કૌવત ખમીર આ આક્રમણોને કષ્ટી ગુલામી,

જાગે વિકસે નવા કલેવર સંગ પુનરુત્થાને ભાવિ.

કથા ઈસ્ટરની ઈસુ મસીહા, ગુડ ફ્રાયડે આસ્થા,

પુનરુત્થાને પામ્યું સકળવિશ્વ, ક્ષમા કરુણાની કૃપા.