પરોપકાર

તમે કરો છો પ્રેમ પણ મને ઉપકાર જેવું લાગે છે.

પૂતળા ઉપર કરેલા વ્યર્થ શણગાર જેવું લાગે છે.

પ્રેમમાં લેવડદેવડનો હિસાબ રાખવાનો હોય કદી ?

પડોશી સાથે નિભાવાતા વાટકી વહેવાર જેવું લાગે છે.

મને તમે ગમો છો, બસ એટલું જ પુરતુ છે મારે માટે !

તમારા વગરનું જીવન મને ખારા સંસાર જેવું લાગે છે.

દાનત ખોટી હોત મારી, તો મોઢું ફેરવી લીધું હોત !

તમને મારા વાયદામાં તત્વ વફાદાર જેવું લાગે છે?

તમારા વગર બીજું તો ઠીક ઉજાસની ઉણપ રહી છે.

દીવાને પણ અસ્તિત્વ મારું અંધકાર જેવું લાગે છે.