એય વરસાદ ચાલ્યો ક્યાં તું?

હૈયામાં હેતની હેલી ઊભરાવીને,

મનની મીઠાશને આમ કોરી મૂકીને,

એય વરસાદ ચાલ્યો ક્યાં તુંં ?

આંખોમાં સ્નેહના બીજ દેખાડીને,

દ્રષ્ટિની માટીને આમ કોરી મૂકીને,

એય વરસાદ ચાલ્યો ક્યાં તું ?

હૃદયમાં પ્રેમના નાના અંકુર ઊગાડીને,

લાગણીની લીલોતરીને આમ કોરી મૂકીને,

એય વરસાદ ચાલ્યો ક્યાં તું ?

આંખોનાં સૂકાયેલ આંસુને લીલા કરીને,

વિયોગની આ નદીને સાવ કોરી મૂકીને,

એય વરસાદ ચાલ્યો ક્યાં તું ?

પ્રેમનાં અમાપ એ દરિયામાં ઉછળીને,

ભાવતણી ભેખડને આમ કોરી મૂકીને,

એય વરસાદ ચાલ્યો ક્યાં તું ?

આ દેહમાં પ્રેમના લીલા ઝાડ ઊગાડીને,

મનમાં ઊઠેલ આશંકાને સાવ કોરી મૂકીને,

એય વરસાદ ચાલ્યો ક્યાં તું ?