પ્રિતુ રે બંધાણી હંસા

પ્રિતુ રે બંધાણી હંસા

મારે અને તારે હવે,

સરોવરના વહેણમાંથી

લખલૂટ હું લૂંટુ તને.....

તું સરોવર મધ્યમાં

મલકી ઊઠે... હંસલી,

ને કમળની જેમ ચુંટુ તને...

પ્રિતુ રે બંધાણી હંસા

મારે અને તારે હવે,

તરસ એવી ઝાંઝવાના

જળ જેવી કે રગરગથી,

પીએ તોય ખૂંટૂ તને...

પ્રિતુ રે બંધાણી હંસા,

મારે અને તારે હવે,

એક ક્ષણ માટે તું,

થઈ જા મારો હંસલો,

અને હું તારી હંસલી,

પ્રિતુ રે બંધાણી હંસા,

મારે અને તારે હવે

ના લાગે કોઈની મીઠી

નજર. એવા શ્વેત અમે,

હંસ હંસલીની જોડલી,

તારા દુઃખે દુઃખી હંસા

તારા સુખે સુખી....હંસા

પ્રિતુ રે બંધાણી હંસા,

મારે અને તારે હવે

વનમહલના અમે

સારસ બેલડી

પાણીના વમળમાં,

એકડાની જેમ

નામ તારુ ઘૂંટી

ઘૂંટીને કોતર્યાં કરુ....

પ્રિતું રે બંધાણી હંસા

મારે અને તારે હવે..!