પ્રેરણા
પ્રેરણા
1 min
13.2K
આપ આભની અટારીએથી નીરખો,
ને હું અંહી ઘરનાં ઝરુખે ઝુરૂં
આપ મેઘધનુષનાં હિંડોળે ઝૂલો,
ને હું અંહી ઘરનાં હિંડોળે ઝૂલું.
આપ સૂર્યનાં કિરણોથી પ્રકાશિત,
અને હું એ પ્રકાશે આગળ વધૂં
આપ ચંદ્રની ચાંદની રેલાવો,
ને હું એ શીતળતા માણું
કેટકેટલાં વર્ષ વિતી ગયાં
આપ તારલો બની ટમટમો,
હું અંહી જીવનપથ પર અડીખમ
આપ મને ઝંખો દિલથી, ક્યાં અજાણ્યું છે ?
કિંતુ મન ઈચ્છે કે હું અંહી જ રહું,
બાલૂડાં આપણાં અનાથ ન બને એ ભાવના
જે ખૂમારી અને હિંમતથી જીવી રહી છું,
"વિભૂ" ઈચ્છે "બિપીન" પાસે એવી પ્રેરણા